آسٹریلیا کیخلاف ٹیسٹ سیریز

پاکستان نے آسٹریلوی بیٹنگ لائن پر حملہ آور ہونے کیلئے دبئی ٹیسٹ میں اپنے دو اسپنرز لیگ اسپنر یاسر شاہ اور آف اسپنر بلال آصف کے ساتھ حملہ آور ہونے کی تیاری کی ہے جبکہ فاسٹ بولنگ کا شعبہ تجربہ کار وہاب ریاض اور محمد عباس پر مشتمل ہوگا۔

بلا ل آصف اتوار کو دبئی کرکٹ اسٹیڈیم میں آسٹریلیا کیخلاف اپنے ٹیسٹ کیریئر کا آغاز کریں گے۔ اسپن وکٹ پر پاکستان کے پاس محمد حفیظ، اظہر علی اور حارث سہیل کی شکل میں آپشن بھی موجود ہوں گے۔

آسٹریلیا کی ٹیم ٹیسٹ میں کم ازکم تین کھلاڑیوں کو ٹیسٹ کیپ دے گا۔ جون میں ہونے والے لارڈز ٹیسٹ کے ہیرو محمد عباس کے ساتھ لیفٹ آرم فاسٹ بولر وہاب ریاض کی پاکستان ٹیم میں واپسی ہورہی ہے۔ دو سال بعد اوپنر محمد حفیظ بھی ٹیم میں آرہے ہیں۔ ایشیا کپ میں کرکٹ ٹیم کی ناکامی کے بعد محمد حفیظ کو دوبارہ طلب کیا گیا ہے۔

Be the first to comment

Leave a Reply

Your email address will not be published.