اراضی سکینڈل: جسٹس منصور نے تحقیقات کیلئے جوڈیشل کمیشن بنا دیا

چیف جسٹس منصور علی شاہ نے سیشن جج لاہور عابد حسین قریشی کی سربراہی میں اعلیٰ سطحی جوڈیشل کمیشن قائم کر دیا۔ دنیا نیوز نے جعلی عدالتی فیصلوں سے متعلق ایک لاکھ ترانوے ہزار کینال اراضی سکینڈل بے نقاب کیا تھا جس کی از سر نو تحقیقات کے لئے کمیشن قائم کیا گیا ہے۔ کمیشن کے ممبران میں ریٹائرڈ سیشن جج سید ناصر علی شاہ، جاوید رشید محبوبی اور زوار شاہ شامل ہیں۔ کمیشن جعلی عدالتی فیصلوں سے متعلق اراضی سکینڈل کی ایک ماہ میں تحقیقات مکمل کرے گا۔ تحقیقاتی کمیشن کا پہلا اجلاس 20 مارچ کو سیشن عدالت میں ہو گا جو ذمہ داروں کے خلاف کارروائی کی سفارش کرے گا۔
This entry was posted in قومی, اہم خبریں. Bookmark the permalink.