اصغر خان کیس: سابق آرمی چیف اسلم بیگ ایف آئی اے کمیٹی کے سامنے پیش

سابق آرمی چیف جنرل ریٹائرڈ مرزا اسلم بیگ فیڈرل انویسٹی گیشن ایجنسی (ایف آئی اے) کی پانچ رکنی کمیٹی کے سامنے پیش ہوئے۔ کمیٹی نے ان سے آئی جے آئی بنانے اور رقوم کی تقسیم پر سوالات کئے۔

ذرائع کے مطابق اس موقع پر سابق آرمی چیف کا بیان ریکارڈ کیا گیا۔ اسلم بیگ ایک گھنٹے سے زائد تک کمیٹی کے سامنے رہے اور بیان ریکارڈ کروانے کے بعد واپس روانہ ہو گئے۔ سابق ڈی جی آئی ایس آئی اسد درانی کا بھی آج بیان ریکارڈ کئے جانے کا امکان ہے۔

خیال رہے کہ ایف آئی اے نے اصغر خان کیس کی تحقیقات کیلئے سپریم کورٹ احکامات کی روشنی میں پانچ رکنی کمیٹی تشکیل دی ہے جس کے سربراہ ایڈیشنل ڈی جی ایف آئی اے احسان صادق ہیں۔ کمیٹی کو جلد از جلد انکوائری مکمل اور پیشرفت رپورٹ پیش کرنے کی ہدایت کی گئی ہے۔

کمیٹی کے دیگر ممبران میں ڈائریکٹر ایف آئی اے پنجاب ڈاکٹر عثمان انور، ڈائریکٹر امیگریشن ڈاکٹر رضوان، طارق نواز ملک ڈائریکٹر انٹرپول اور علی شیر جھاکرانی ڈائریکٹر لا شامل ہیں۔

Be the first to comment

Leave a Reply

Your email address will not be published.