سندھ اسمبلی: گٹکے کی فروخت کیخلاف بل پیش، گنے کی قیمتوں کے معاملے پر ہنگامہ

اپوزیشن ارکان کی دھکمی کام کر گئی۔ منگل کو سندھ اسمبلی کے اجلاس میں ڈپٹی سپیکر شہلا رضا کے پُرسکون لہجے نے ارکان کو حیرت زدہ کر دیا۔ پیپلز پارٹی کی رکن اسمبلی روبینہ قائم قانی نے گٹکے کی فروخت اور کھانے پر پابندی عائد کرنے کا بل اسمبلی میں پیش کیا جو کمیٹی کے سپرد کر دیا گیا۔

سندھ اسمبلی میں گنے کی قیمتیں مقرر کرنے کے حوالے سے مسلم لیگ فنکشنل کے رکن سعید نظامانی نے قرارداد پیش کی تو شور شرابہ ہو گیا۔ معاملے پر حکومت اور اپوزیشن آمنے سامنے نظر آئے۔

ارکان سندھ اسمبلی نے ایوان کے ایجنڈے پر کئی کئی سال پرانے سوالات آنے کی شکایت کی۔ اجلاس جمعہ کی صبح تک کے لئے ملتوی کر دیا گیا۔