سٹی ٹرانسپورٹ کے نام سے نئی بس اسکیم شروع کرنیکا اعلان

میئر کراچی وسیم اختر نے صوبائی وزیر ناصر حسین شاہ سے ان کے دفتر میں ملاقات کی۔ ملاقات میں ترقیاتی امور اور بلدیہ عظمیٰ کراچی کے معاملات اور سندھ حکومت اور بلدیہ عظمیٰ کے درمیان اختلافات کو دور کرنے پر بھی گفتگو کی گئی ملاقات کے بعد ناصر حسین شاہ کا کہنا تھا کے وزیراعلیٰ سندھ مراد علی شاہ کی ہدایت پر میئر کراچی وسیم اختر سے ملاقات خوش آئند رہی شہریوں کی سہولت کے لیے ٹرانسپورٹ اسکیم لارہے ہیں، کراچی میں سٹی ٹرانسپورٹ کے نام سے نئی بس اسکیم کے لیے اتھارٹی قائم کی ہے، انہوں نے کہا کہ میئر کراچی وسیم اختر نئی اتھارٹی کے وائس چیئرمین ہیں، بلدیہ عظمیٰ کراچی کو جس طرح کی بھی معاونت درکار ہوگی مہیا کی جائے گی، نئی ٹرانسپورٹ اسکیم سے شہریوں کی مشکلات کم ہوں گی۔

میئر کراچی وسیم اختر کا کہنا تھا کے شہر اور شہریوں کے مفاد میں نئی بس اسکیم لائی جارہی ہے جس سے شہر میں ٹرانسپورٹ کے مسائل کم ہوں گے، شہر کراچی میں تجاوزات کے خاتمے کے لیے بلدیہ عظمیٰ کراچی کی مہم جاری ہے۔ ہم تجاوزات ختم کرتے ہیں پھر ایک ہفتے بعد دوبارہ قائم کردی جاتی ہیں، امید ہے سندھ حکومت کے ساتھ معاملات کی بہتری کے لیے ملاقاتوں کا سلسلہ جاری رہے گا۔

Be the first to comment

Leave a Reply

Your email address will not be published.