سینیٹ میں اپوزیشن لیڈر پی ٹی آئی کا ہی ہو گا: اعظم سواتی کا دعویٰ

پی ٹی آئی رہنما و سینیٹر اعظم سواتی نے میڈیا سے گفتگو کرتے ہوئے کہا وزیراعلیٰ خیبرپختونخوا نے عمران خان کے وژن پر کام کیا، آج تک چیئرمین سینیٹ بلوچستان سے منتخب نہیں ہوا، چیئرمین سینیٹ نے بھی اعتراف کیا کہ اگر عمران خان ساتھ نہ دیتے تو کوئی جماعت ساتھ نہ دیتی۔ انہوں نے کہا ن لیگ اداروں کی تباہی کے لیے قانون لانا چاہتی ہے۔

ترجمان تحریک انصاف فواد چوہدری کا کہنا تھا پی ٹی آئی نے اعظم سواتی کو قائد حزب اختلاف نامزد کیا ہے، پوری قوم کی نظریں فاٹا ارکان کی طرف ہیں، امید ہے درست فیصلہ کریں گے۔ انہوں نے کہا عمران خان نے سینیٹ چیئرمین کے لیے سیاسی تدبر کا مظاہرہ کیا۔

Be the first to comment

Leave a Reply

Your email address will not be published.


*