شام میں امریکا اور روس کی فضائی بمباری میں 28 شہری ہلاک

شامی مبصر تنظیم برائے انسانی حقوق کی جانب سے جاری بیان کے مطابق داعش کے خلاف برسرپیکار امریکی عسکری اتحاد اور روس کے جنگی طیاروں نے مختلف اوقات میں شامی صوبے دیر الزور میں بمباری کی جس کے نتیجے میں 28 شہری ہلاک ہو گئے۔
تنظیم کے سربراہ رمی عبدالرحمان نے بتایا کہ دریائے فرات کے کنارے آباد کے ایک گاؤں پر امریکی عسکری اتحاد کے جنگی طیاروں نے بمباری کی جس کے نتیجے میں ایک ہی خاندان کے 12 افراد ہلاک ہو گئے جن میں 5 بچے بھی شامل ہیں۔ انہوں نے بتایا کہ بعد ازاں روسی جنگی طیاروں نے بھی دریائے فرات کے قریب آباد خیموں کو نشانہ بنایا جس میں 5 بچوں سمیت 16 افراد ہلاک ہوئے۔ خیال رہے کہ دیرالزور شام میں داعش کا آخری بڑا ٹھکانہ ہے اور امریکی عسکری اتحاد، روس اور شامی افواج صوبے کا کنٹرول حاصل کرنے کے لیے کوشاں ہیں۔
This entry was posted in بین الاقوامی, اہم خبریں. Bookmark the permalink.