عمران خان کا کلثوم نواز کے لئے نیک تمناؤں کا اظہار

سماجی رابطے کی ویب سائٹ ٹوئٹر پر عمران خان نے اپنی ٹوئٹ میں بیگم کلثوم نواز کی تصویر شیئر کی اور لکھا کہ ان کی دعائیں ہیں کہ وہ کینسر کے خلاف جنگ جیت جائیں۔ ذرائع کے مطابق بیگم کلثوم نواز علاج کے غرض سے لندن میں موجود ہیں جہاں ڈاکٹروں نے ان کے گلے میں کینسر کی تشخیص کی ہے جب کہ ڈاکٹرز کا کہنا ہے کہ گلے کا کینسر قابل علاج ہے اور وہ جلد صحت یاب ہو جائیں گی ۔ واضح رہے کے سابق وزیراعظم نواز شریف کی اہلیہ قومی اسمبلی کے حلقہ این اے 120 کے ضمنی انتخاب کے لئے مسلم لیگ ن کی امیدوار بھی ہیں۔
This entry was posted in قومی, اہم خبریں. Bookmark the permalink.