بیت المقدس میں باب العامود کے مقام پر فلسطینی شہریوں نے امریکی صدر ڈونلڈ ٹرمپ کے اعلان القدس کیخلاف احتجاج شروع کیا تو قابض پولیس نے نہتے مظاہرین پرتشدد شروع کردیا۔ایک خاتون اہلکار فلسطینی خواتین کو گھیسٹنے لگی تو ایک بہادر فلسطینی بیٹی نے صہیونی اہلکارہ کے ہاتھوں تشدد کا مقابلہ کرتے ہوئے خاتون پولیس اہلکار کی پٹائی کردی۔ایک نہتی فلسطینی لڑکی نے بزدل صہیونی اہلکارہ کو زمین پر پٹخ دیا۔ بعد ازاں اسرائیلی فوجیوں نے زمین پر گری پولیس اہلکارہ کو اٹھانے میں اس کی مدد کی۔ یہ واقعہ کیمرے کی آنکھ میں محفوظ ہوگیا جسے مرکزاطلاعات فلسطین نے بھی نشر کیا ہے۔