فیفا ورلڈکپ کوالیفائرز کا مرحلہ مکمل ہوگیا ۔ میگا ایونٹ کیلئے 32 ٹیموں کی لائن اپ مکمل ہوگئی ہے کوالیفائرز کے آخری میچ میں پیرو نیوزی لینڈ کو شکست دے کر عالمی کپ کیلئے کوالیفائی کر نے والی آخری ٹیم بنی۔ پیرو نے پلے آف میں نیوزی لینڈ کو دو صفر سے شکست دے کر ورلڈ کپ کی سیٹ بک کرائی۔
لیما میں کھیلے گئے میچ میں پیرو نے نیوزی لینڈ کو کھل کر کھیلنے کا موقع نہیں دیا ۔ جیفرسن فارفن اور کرسچیئن ریمس نےگول اسکور کر کے ورلڈ کپ میں رسائی کا جشن منایا۔
پیرو کی فتح کےساتھ ہی ورلڈ کپ میں شرکت کرنےوالی 32 ٹیمیں فائنل ہو گئیں ۔ اٹلی اور نیدرلینڈ جیسی ٹیمیں آئندہ برس ہونےوالے شو پیس ایونٹ میں جگہ نہ بنا سکیں ۔
فیفا ورلڈ کپ اگلے برس 14 جون سے 15 جولائی تک روس میں کھیلا جائےگا ۔ جرمن ٹیم اعزاز کا دفاع کرے گی۔