لاہور میں بادلوں کا راج، موسلادھار بارش سے موسم خوشگوار ہوگیا

باغوں کے شہر لاہور میں بادلوں کاراج، موسلادھار بارش سے موسم خوشگوار ہوگیا، ٹھنڈی ہواؤں سے گرمی اور حبس کا زور ٹوٹ گیا۔ لاہور میں صبح سویرے ہی کالے بادلوں نے آسمان پر ڈیرے ڈال لیے، ٹھنڈی ہوا کے ساتھ بارش نے موسم کو دلکش بنا دیا۔ ٹھنڈی ہوا کے جھونکوں سے موسم سہانا ہو گیا۔ تیز ہوا کے ساتھ رم جھم کا سلسلہ شروع ہوا، کہیں موسلا دھار تو کہیں ہلکی بارش ہوئی جس سے گرمی اور حبس کا زورٹوٹ گیا۔ موسم خوشگوار ہوا تو گرمی کے ستائے شہریوں کو بھی قرار آگیا۔ محکمہ موسمیات کا کہنا ہے کہ آئندہ 24 گھنٹوں کے دوران بھی بادل جم کر برسیں گے۔
This entry was posted in Uncategorized. Bookmark the permalink.