لاہور: نامعلوم موٹرسائیکل سوار کا تیز دھار آلے سے خاتون پر حملہ

تفصیلات کے مطابق یہ واقعہ چوہنگ کی نجی ہاؤسنگ سوسائٹی میں پیش آیا جس کے دوران خاتون شکیلہ پر حملہ کیا گیا۔ پولیس کے مطابق زخمی 45 سالہ خاتون نے قانونی کارروائی سے انکار کردیا ہے تاہم پولیس تفتیش میں مصروف ہے۔ خاتون کو ٹانگ اور کمر پر گہرے زخم آئے جبکہ انہیں22 ٹانکے بھی لگے۔ شکیلہ تین روز قبل سعودی عرب سے بیٹے کے رشتے کے سلسلے میں لاہور پہنچی تھیں۔ خاتون کا کہنا ہے کہ میری کسی سے دشمنی نہیں، حملہ آور نے ہیلمٹ پہن رکھا تھا نہیں پہچان سکتی۔ اس واقعے کو فوری طور پر کراچی میں چھری کے وار سے خواتین پر حملوں کے واقعات سے جوڑنا درست نہیں۔
This entry was posted in قومی, اہم خبریں. Bookmark the permalink.