ماہرہ کراچی کے ساحل پر، نئی تصاویر سوشل میڈیا پر وائرل

 

تفصیلات کے مطابق پاکستانی ڈرامہ انڈسٹری سے اپنے کریئر کا آغاز کرنے والی اداکارہ ماہرہ خان گزشتہ دنوں اپنی مصروفیات کو ترک کر کے سب سے اچھے دوست (صاحبزادے) ازلان کے ہمراہ کراچی میں واقع فرینچ بیچ گئیں۔

ماہرہ نے صاحبزادے کے ساتھ گھڑ سواری کی اور سیر و تفریح سے لطف اندوز بھی ہوئیں، اس دوران اُن کی تصاویر بنا کر سوشل میڈیا پر شیئر کی گئیں جو بہت وائرل ہوئیں اور مداح اداکارہ کا نیا انداز دیکھ حیران رہ گئے۔

واضح رہے کہ ماہرہ خان نے شوبز کیریئر کا آغاز 2011 سے بطور معاون اداکار کیا جس کے بعد انہیں فواد خان کے ساتھ ڈرامے میں کام کرنا کا موقع ملا یہی ان کی خوش قسمتی کا باعث بھی بننا۔

مزید پڑھیں: ماہرہ نے بیٹے کے ہمراہ خوشیاں منائیں

ڈرامے میں کام کرنے والے پاکستانی اداکاروں نے اپنی اداکاری کی صلاحیتوں کو نہ صرف ملک میں منوایا بلکہ بالی ووڈ ہدایت کار بھی انہیں اپنی فلموں میں کام دینے پر راضی ہوئے جس کے بعد فواد اور ماہرہ نے بالی ووڈ انڈسٹری میں بھی قدم رکھا۔

ماہرہ خان کی گزشتہ برس بھارتی اداکار کے ہمراہ نازیبا تصاویر بھی سامنے آئیں جس کے بعد انہیں ہر طرف سے شدید تنقید کا نشانہ بنایا گیا، اداکارہ نے خصوصا پاکستانیوں اور دنیا بھر میں بسنے والے مداحوں سے معذرت بھی کی۔

خیال رہے کہ گزشتہ برس پاکستانی اداکارہ ایشیا کی پرکشش خواتین کی فہرست میں جگہ بنانے میں کامیاب ہوئیں تھیں، انہوں نے 4 درجے ترقی کے بعد پانچویں پوزیشن حاصل کی۔

خیال رہے کہ ماہرہ خان نے گزشتہ برس فلم ’رئیس‘ سے اپنے بالی ووڈ کے سفر کا آغاز کیا، اس فلم میں انہوں کنگ خان کے ساتھ مرکزی کردار ادا کیا، پاک بھارت کشیدگی کے باعث ماہرہ اپنی شوٹنگ مکمل کر کے جلد وطن لوٹیں اور پرموشن کے وقت بھی ٹیم کا حصہ بھی نہ بن سکیں تھیں۔

یہ بھی پڑھیں: ماہرہ خان کی فلم ’’رئیس‘‘ بھارت گوگل سرچ کی ٹاپ ٹین لسٹ میں شامل

فلم رئیس کے ڈائریکٹر نے گزشتہ برس اعتراف کیا کہ ’بھارتیوں نے ماہرہ خان کے ساتھ زیادتی کی وہ اداکارہ تھی مگر سب نے اُسے  دشمن سمجھا‘۔

Be the first to comment

Leave a Reply

Your email address will not be published.