پی سی بی نے محمد حفیظ کو تنہا چھوڑنے کی تیاری کر لی۔ پروفیسر کے غیر قانونی ایکشن کی درستگی پر کام شروع نہ ہوسکا۔ پاکستان کرکٹ بورڈ نے سابق کپتان کو قائداعظم ٹرافی کا سپرایٹ مرحلہ کھیلنے کی ہدایت کر دی۔
دوسری جانب محمد حفیظ کسی ماہر کے زیر نگرانی ایکشن پر کام کرنے کے خواہشمند ہیں۔ پروفیسر کے کیس میں بورڈ تاحال ریویو کمیٹی کی تشکیل سے آگے نہ بڑھ سکا۔ آئی سی سی نے 16 نومبر کو باؤلنگ ٹیسٹ میں ناکامی پر قومی آل راؤنڈرکو گیند بازی سے روک دیا تھا۔ ماضی میں ایکشن رپورٹ ہونے اور پی سی بی کی بے رخی پر آف سپنر سعید اجمل بھی قومی ٹیم میں جگہ برقرار نہ رکھ سکے تھے۔