مقبوضہ بیت المقدس کو اسرائیل کا دارالحکومت بنانے کے نتائج خطرناک ہونگے، اردن

اردن نے امریکا کے خبردار کیا ہے اگر مقبوضہ بیت المقدس کو اسرائیل کا دارالحکومت تسلیم کیا گیا تو اس کے خطرناک نتائج ہو سکتے ہیں۔ اردن کے وزیر خارجہ ایمن سفادی نے امریکا کے وزیر خارجہ ریکس ٹلرسن کو بتایا ہے کہ اس قسم کا اعلامیہ عرب اور اسلامی دنیا میں ناراضگی کو ابھار سکتا ہے، امریکی اور مغربی ذرائع ابلاغ نے حکام کے حوالے سے کہا ہے کہ صدر ڈونلڈ ٹرمپ اس متنازع فیصلے کا اعلان رواں ہفتے کر سکتے ہیں۔ صدر ٹرمپ نے اپنی انتخابی مہم کے دوران وعدہ کیا تھا کہ وہ اقتدار میں آنے کے بعد اسرائیل میں امریکی سفارتخانہ تل ابیب سے یروشلم منتقل کر دیں گے۔
This entry was posted in بین الاقوامی, اہم خبریں. Bookmark the permalink.