ٹی وی چینلز کو غلط خبریں نشر کرنے پر پیمرا کی تنبیہ

پیمرا کے جاری بیان میں کہا گیا کہ اس قسم کی خبریں نشر کرنا پیمرا آرڈنینس 2002 (ترمیمی ایکٹ 2007) اور الیکٹرانک میڈیا ضابطہ اخلاق 2015 کی متعدد شقوں کی خلاف ورزی ہے۔

ریگولیٹری اتھارٹی نے تمام ٹی وی چینلز کو ضابطہ اخلاق پر پابندی سے عملدرآمد کو یقینی بنانے اور سوشل میڈیا سے اٹھائی گئی غلط خبروں کو نشر کرنے سے اجتناب کرنے کی ہدایات جاری کرتے ہوئے کہا کہ خبروں کی اشاعت میں بنیادی پیشہ وارانہ معیار کو قائم رکھا جا سکے۔

پیمرا کا کہنا تھا کہ ان ہدایت پر عملدرآمد نہ کرنے کی صورت میں قوانین کے مطابق کارروائی عمل میں لائی جائے گی۔

This entry was posted in قومی, اہم خبریں. Bookmark the permalink.