پاکستان نومولود بچوں کی اموات کے لحاظ سے بدترین ملک قرار

اقوام متحدہ کے ادارے یونیسیف کی رپورٹ کے مطابق دنیا بھر میں پاکستان نومولود بچوں کی اموات کے لحاظ سے بدترین ملک ہے جہاں پیدا ہونے والے بائیس بچوں میں ایک پہلے مہینے ہی جان سے چلا جاتا ہے۔ پاکستان میں نومولود بچوں کی اموات دنیا میں سب سے زیادہ ہیں۔ یونیسف کی رپورٹ کے مطابق پاکستان، افغانستان اور سنٹرل افریقن رپبلک وہ تین ممالک ہیں جہاں نوزائیدہ بچوں کے زندہ رہنے کے امکانات سب سے کم ہیں۔

جبکہ اس کے برعکس جاپان، سنگاپور اور آئس لینڈ میں پیدا ہونے والے بچے زیادہ خوش قسمت ہیں۔ پاکستان میں اس وقت پیدا ہونے والے 22 بچوں میں سے ایک پیدائش کے پہلے ہی ماہ میں ہلاک ہو جاتا ہے جبکہ سنٹرل افریقن رپبلک میں یہ شرح 24 میں ایک جبکہ افغانستان میں 25 میں ایک ہے۔ یونیسیف حکام کے مطابق پاکستان کو نوزائیدہ بچوں کی ہلاکتوں کے معاملے میں شدید چیلنجز کا سامنا ہے۔

Be the first to comment

Leave a Reply

Your email address will not be published.


*