چیئرمین جوائنٹ چیفس آف سٹاف کمیٹی جنرل زبیر محمود حیات توپخانے کے تیسرے کرنل انچیف بن گئے۔ آئی ایس پی آر کے مطابق کرنل انچیف کے بیجز لگانے کی خصوصی تقریب آرٹلری سینٹر، اٹک میں منعقد ہوئی۔
جنرل زبیر نے آرٹلری کور کو مستحکم کرنے اور فلاح و بہبود کیلئے کردار ادا کرنے کے عزم کا اظہار کیا۔ آئی ایس پی آر کے مطابق لیفٹیننٹ جنرل میاں ہلال حسین کو آرٹلری رجمنٹ کا کرنل کمانڈنٹ مقرر کر دیا گیا ہے۔
تقریب کے بعد جنرل زبیر نے یادگار شہداء پر پھولوں کی چادر چڑھائی۔ اس موقع پر جنرل زبیر محمود حیات کو چاق و چوبند دستے نے اعزازی گارڈ پیش کی۔ تقریب میں حاضر و سبکدوش افسران، جونیئر کمیشنڈ افسران اور جوانوں نے شرکت کی۔