Breaking News

افغان صوبے پکتیکا میں پولیس ٹریننگ سینٹر پر حملہ، 20 افراد ہلاک

غیر ملکی خبر رساں ادارے کے مطابق افغان وزارت داخلہ کا کہنا ہے کہ ایک کار سوار خودکش حملہ آور نے گردیز میں پولیس ٹریننگ سینٹر کے قریب بارود سے بھری گاڑی ٹکرائی جس سے زور دار دھماکا ہوا اس کے بعد دیگر حملہ آوروں نے حملہ کردیا۔

افغان وزارت داخلہ کے مطابق حملہ پولیس ٹریننگ سینٹر میں رہائش پذیر اہلکاروں کے گھروں کے قریب کیا گیا جس کے بعد حملہ آوروں نے اندھا دھند فائرنگ بھی کی۔

مقامی میڈیا کا کہنا ہےکہ پولیس ٹرینگ سینٹر پر حملہ 2 کار سوار خودکش حملہ آوروں نے کیا جس میں ضلعی پولیس چیف کے بھی شدید زخمی ہونے کی اطلاعات ہیں۔

صوبے پکتیکا کے نائب گورنر نے 20 افراد کے ہلاک اور 70 کے زخمی ہونے کی تصدیق کی ہے۔

واقعے کے بعد فورسز کی بھاری تعداد علاقے میں پہنچ گئی جہاں فورسز اور حملہ آوروں کے درمیان شدید لڑائی جاری ہونے کی اطلاعات ہیں۔

دوسری جانب افغان طالبان کے ترجمان ذبیح اللہ نے حملے کی ذمہ داری قبول کرلی ہے۔

سب سے زیادہ پڑھی جانے والی مقبول خبریں


دلچسپ و عجیب
No News Found.

سائنس اور ٹیکنالو
No News Found.

اسپیشل فیچرز
No News Found.

تمام اشاعت کے جملہ حقوق بحق ادارہ محفوظ ہیں۔
Copyright © 2024 Baadban Tv. All Rights Reserved