تفصیلات کے مطابق بجلی کی قیمتوں میں کمی متوقع ہے۔ کمی فیول ایڈجسٹمنٹ کی مد میں کی جائے گی۔ بجلی کی قیمت میں کمی کے لیے نیپرا کی جانب سے سماعت بائیس فروری کو ہوگی۔
بجلی کی قیمتوں میں کمی کی درخواست سینٹرل پاور پرچیزنگ اتھارٹی کی جانب سے دی گئی ہے۔ بجلی کی فی یونٹ قیمت میں 2 روپے 97 پیسے کمی کی سفارش کی گئی ہے۔
سی سی پی اے کے مطابق جنوری میں 7 ہزار 9 سو 82 یونٹ بجلی پیدا کی گئی ہے اور 7 ہزار 6 سو 98 یونٹ بجلی تقسیم کار کمپنیوں کو فراہم کی گئی۔
جنوری میں بجلی کی فی یونٹ قیمت 6 روپے 88 پیسے رہی جبکہ ریفرنس فیول چارجز 9 روپے 86 پیسے رہی۔ سی سی پی اے کی مجوزہ کمی کا اطلاق کے الیکٹرک کے علاوہ تمام تقسیم کار کمپنیوں پر ہوگا۔