بہاولپور میں چھ ماہ سے تنخواہ سے محروم پولیس کے وائرلیس آپریٹر کے گھر فاقوں کے ڈیرے۔ کانسٹیبل دین محمد بچوں سمیت ڈی ایس پی آفس پہنچ گیا۔ مظلوم کی دہائی اس کے افسر کو ایک آنکھ نہ بھائی۔ پیٹی بھائیوں سے کرائی اس کی خوب ٹھکائی۔ فاقہ کشی کے باعث دین محمد کے بچے بھی حسرت و یاس کی تصویر بن کر رہ گئے۔ احتجاج کی ویڈیو وائرل ہوئی تو آر پی او بھی غصے میں آ گئے۔ دین محمد کو پیٹی بھائی سے اسلحہ چھیننے اور دھمکیوں کے الزام میں مقدمہ درج کر کے گرفتار کر لیا گیا۔ دین محمد سنہرے مستقبل کیلئے پولیس سے محکمہ تعلیم میں گیا لیکن پھر واپس آ گیا۔ کلرک بادشاہ نے ایل پی سی جاری نہ کی جس وجہ سے ادھر کا رہا نہ ادھر کا۔