سپریم کورٹ نے تربت میں 20 افراد کے قتل کے معاملے کا نوٹس لیتے ہوئے متعلقہ حکام سے تین روز میں رپورٹ طلب کرلی ۔ چیف جسٹس ثاقب نثار نے تربت میں 20 افراد کو گولیاں مار کر قتل کرنے کے واقعہ کا ازخود نوٹس لے لیا ۔ ترجمان سپریم کورٹ کے مطابق ڈی جی ایف آئی اے ، آئی جی پولیس بلوچستان سے تین روز میں رپورٹ طلب کی گئی ہے ، چیف جسٹس نے نوٹس میڈیا رپورٹس پر لیا ۔ رپورٹس کے مطابق ان لوگوں کو پنجاب کے مختلف علاقوں سے لایا گیا ۔ انسانی سمگلروں نے ان افراد کو غیر قانونی طریقہ سے ایران لے کر جانا تھا ، حکام سے طلب کی گئی رپورٹ میں یہ بھی استفسار کیا گیا ہے کہ آئندہ ایسے واقعات کی روک تھام کے حوالے سے کیا اقدامات کیے گئے ہیں