نیویارک: امریکی ٹی وی چینل سی این این کو انٹرویو دیتے ہوئے وزیر اعظم شاہد خاقان عباسی نے کہا کہ پاکستان اور امریکہ کے تعلقا ت ستر برس پر محیط ہیں، دونوں ملکوں کے تعلقات میں اتار چڑھاؤ آتے رہتے ہیں، پاکستان کے حوالے سے امریکی پالیسی میں کسی بڑی تبدیلی کی توقع نہیں ہے۔
وزیر اعظم شاہد خاقان عباسی نے بھارت سے متعلق ایک سوال کے جواب میں کہا کہ بھارت پاکستان کی بقاء کیلئے خطرہ ہے۔ وزیر اعظم نے کہا کہ دہشت گردی سب کے لئے خطرہ ہے، امریکہ کے ساتھ ہر شعبے میں مل کر کام کرنا چاہتے ہیں۔