Breaking News

زینب قتل کے ملزم عمران سے متعلق لرزہ خیز انکشافات سامنے آگئے

 زینب قتل کے ملزم عمران سے متعلق لرزہ خیز انکشافات سامنے آگئے۔ عدالتی نوٹس پر صحافی سپریم کورٹ میں پیش ہوا اور بیان ریکارڈ کراتے ہوئے صحافی نے بتایا کہ ملزم عمران علی عالمی مافیا کا متحرک رکن ہے، ملزم کو اعلیٰ شخصیات کی پشت پناہی حاصل ہے جس میں وفاقی وزیر اور اعلیٰ شخصیت بھی ملوث ہیں۔ صحافی نے ملزم عمران کے 37 بینک اکاؤنٹس کی فہرست عدالت میں پیش کر دی

چیف جسٹس ثاقب نثار کی سربراہی میں زینب قتل کیس کی سپریم کورٹ میں سماعت ہوئی۔ چیف جسٹس نے صحافی سے مکالمہ کرتے ہوئے کہا وفاقی وزیر اور اعلیٰ شخصیت کا نام چٹ پر لکھ کر دیں، صحافی نے چیف جسٹس کو دونوں افراد کے نام کاغذ پر لکھ کر دیئے۔ چیف جسٹس نے کہا دونوں نام ہماری تحویل میں رہیں گے، کسی کو اس کا علم نہیں ہوگا۔ سپریم کورٹ نے جے آئی ٹی کو صحافی کی معلومات پر تحقیقات کا حکم دیتے ہوئے 2 روز میں رپورٹ پیش کرنے کی ہدایت کر دی۔

چیف جسٹس نے ملزم عمران کو سخت سکیورٹی فراہم کرنے کا حکم دیتے ہوئے کہا ملزم پولیس حراست میں ہے، سکیورٹی کے ذمہ دار آئی جی ہونگے، جوڈیشل ریمانڈ پر سکیورٹی کی ذمہ داری آئی جی جیل خانہ جات کی ہوگی، سکیورٹی میں کوتاہی ہوئی تو دونوں آئی جیز ذمہ دار ہوں گے۔

سب سے زیادہ پڑھی جانے والی مقبول خبریں


دلچسپ و عجیب
No News Found.

سائنس اور ٹیکنالو
No News Found.

اسپیشل فیچرز
No News Found.

تمام اشاعت کے جملہ حقوق بحق ادارہ محفوظ ہیں۔
Copyright © 2024 Baadban Tv. All Rights Reserved