پاکستان سٹیل ملز کے جاری اعلامیئے کے مطابق ادارے کے بورڈ آف ڈائریکٹرز کا اجلاس ہوا، اجلاس میں وزیر اعظم میاں نواز شریف کی ہدایت کے مطابق ادارے کی زمین پر سپیشل اکنامک زون بنانے کا فیصلہ کیا گیا۔ اس سلسلے میں سی پیک کے تحت اسٹیل ملز کی 1500 ایکٹر زمین پر سپیشل اکنامک زون بنایا جائے گا۔ اس حوالے سے زمین 1 کروڑ 40 لاکھ روپے فی ایکڑ کے حساب سے زون کے لیے دی جائے گی۔ ماضی میں ہوئی بد انتظامیوں کے باعث پاکستان سٹیل ملز گزشتہ دو سال سے بند پڑی ہے۔ حکومت کی مالی معاونت سے ادارے کے ملازمین کو تنخواہوں ادا کی جاتی ہیں۔ سٹیل ملز کے بند پڑے رہنے سے ماہانہ 1 ارب 40 کروڑ روپے کا نقصان ہو رہا ہے جبکہ ادارے کا مجموعی خسارہ 170 ارب روپے تک پہنچ چکا ہے۔