لاہور ہائیکورٹ میں سپاٹ فکسنگ میں سزائیں بھگتنے والے تینوں کرکٹرز کے خلاف اشتیاق چوہدری ایڈوکیٹ نے درخواست دائر کی ہے ۔ درخواست گزار نے موقف اختیار کیا ہے کہ سلمان بٹ ، محمد عامر اور محمد آصف نے ملک کا نام بدنام کیا ہے ۔ درخواست میں تینوں کھلاڑیوں کا کیس نیب میں چلانے کی درخواست کی گئی ۔ اس کے علاوہ تینوں کرکٹرز کی جائیداد اور مال ضبط کر کے قومی خزانے میں جمع کروانے کی درخواست بھی شامل تھی ۔ اس سے پہلے محمد عامر کے خلاف سندھ ہائیکورٹ میں بھی درخواست دائر کی گئی تھی کہ فاسٹ بولر کو ڈومیسٹک کرکٹ میں کھیلنے کی اجازت واپس لی جانی چاہئے ۔ محمد عامر کو ڈومیسٹک کرکٹ کھیلنے کی اجازت ملنے کے بعد سلمان بٹ اور محمد آصف نے پی سی بی کو اعترافی بیانات بھجوائے تھے جسے بورڈ کی جانب سے مسترد کر دیا گیا تھا۔