چیف جسٹس آف پاکستان جسٹس ثاقب نثار نے ججز اور سرکاری افسران کی دوہری شہریت کے معاملے کا نوٹس لے لیا ہے۔ تمام ہائیکورٹس کے رجسٹرار اور ڈپٹی اٹارنی جنرل سے رپورٹس طلب کر لی گئیں۔
سپریم کورٹ میں سرکاری ملازم کی سروس کے معاملے پر کیس کی سماعت کے دوران چیف جسٹس آف پاکستان نے سرکاری افسران کی دوہری شہریت کا نوٹس لیا۔ انہوں نے ڈپٹی اٹارنی جنرل ساجد الیاس بھٹی کو ہدایت دی کہ گریڈ 17 سے اوپر کے دوہری شہریت رکھنے والے افسران کی فہرست فراہم کی جائے۔ چیف جسٹس نے ملک بھر کی تمام ہائیکورٹس کے رجسٹرارز سے دوہری شہریت کے حامل جج صاحبان کی رپورٹ بھی 15 روز میں طلب کر لی ہے۔