فرانسیسی صدر عما انویل ماکروں اوران کی اہلیہ نے گذشتہ روز متحدہ عرب امارات کا دورہ کیا۔ فرانسیسی خاتون اول بریجیٹ ماکروں نے متحدہ عرب امارات کے دورے کے دوران ابو ظہبی میں قائم عالی شان مسجد الشیخ زاید الکبیر کا بھی دورہ کیا۔ اس دورے میں انہیں حجاب میں دیکھا جا سکتا ہے۔ انہوں نے مسجد کی زیارت کے دوران سر پر سکارف لے رکھا ہے۔ لوگوں نے فرانسیسی خاتون اول کی مسجد آمد پر انہیں خوش آمدید کہا، بریجیٹ کی حجاب میں تصاویر خاصی مقبول ہوئیں۔
انہوں نے ابو ظہبی لووو میوزیم کی افتتاحی تقریب میں بھی شرکت کی۔ یہ میوزیم فرانس اور امارات کے مشترکہ تعاون سے مکمل کیا جانے والا ایک بڑا پراجیکٹ ہے۔