پاکستان اسٹاک ایکسچینج میں آج کاروبار کے آغاز سے ہی منفی رجحان رہا اور سرمایہ کار بے یقینی کی کیفیت میں نظر آئے۔
کاروبار کے اختتام پر 100 انڈیکس میں 903 پوائنٹس کی کمی رہی اور انڈیکس 41 ہزار 115 پوائنٹس پر بند ہوا۔
آج کاروبار کے اختتام تک 12 کروڑ شیئرز کے سودے ہوئے جن کی مالیت 6 ارب روپے سے زائد رہی۔
سی ای او شجر کیپیٹل ریحان عتیق کے مطابق کاروبار کے دوران سرمایہ کاروں کی سیاسی صورتحال پر تشویش رہی جس کی وجہ سے سرمایہ کاروں نے شیئرز فروخت کئے۔
انہوں نے خیال ظاہر کیا کہ صورتحال واضع ہونے تک مارکیٹ اپنے موجودہ رجحان میں رہ سکتی ہے۔