کاروباری ہفتے کے دوسرے روز بھی پاکستان سٹاک ایکسچینج میں تیزی کا رجحان جاری رہا اور انڈیکس نے تین ہفتوں کے بعد 40 ہزار کی حد کو عبور کیا۔
آج سٹاک مارکیٹ میں تیزی کی سب سے بڑی وجہ وزارت خزانہ کی خالی نشت پر مفتاح اسماعیل کی تعیناتی رہی۔ اس کے علاہ عالمی منڈی میں خام تیل کی بڑھتی قیمتوں نے آئل سیکٹر کے حصص کی مالیت بڑھانا میں خوب مدد کی۔
یہی وجہ ہے کہ کاروباری دن کے اختتام پر 100 انڈیکس 620 پوائنٹس کے اضافے سے 40 ہزار 146 پوائنٹس کی سطح پر بند ہونے میں کامیاب رہا۔ آج کی ہونے والی تیزی سے شیئرز کی مالیت میں 100 ارب روپے سے زائد کا اضافہ ہوا۔