کب نظر میں آئے گی بے داغ سبزے کی بہار؟ خون کے دھبے دھلیں گے کتنی برساتوں کے بعد؟ کئی نسلیں خاک میں مل گئیں مگر خون کی لکیر ماند نہ پڑی۔ 1971ء کی جنگ میں پاکستان کا ساتھ دینے والے بنگالیوں کی مشکلیں کم نہ ہو سکیں۔ جنگی جرائم کے خصوصی ٹریبونل نے جماعت اسلامی کے مزید 6 ارکان کو جنگی جرائم کے الزامات کے تحت موت کی سزا سنا دی۔ ملزمان پر لوٹ مار اور قتل کے متعدد مقدمات درج تھے۔
مقامی میڈیا کے مطابق، سزا پانے والوں میں ایک سابق رکن پارلیمان ابو صالح محمد عبد العزیز بھی شامل ہیں۔ یاد رہے کہ گزشتہ سال جماعت اسلامی کے امیر 72 سالہ مطیع الرحمان نظامی کو انہیں الزامات کے تحت پھانسی دی گئی تھی۔