پکنک منانے کیلئے جانے والے حادثے کا شکار ہو گئے۔ کراچی میں بڑا حادثہ ہوتے ہوتے رہ گیا۔ چالیس بچوں سے بھری بس ڈمپر سے ٹکرا کر کھائی میں گر گئی۔ ناردرن بائی پاس عباس کٹ پر کوسٹر اور ڈمپر کا حادثہ ہوا۔ سرجانی ٹاؤن کے نجی سکول کے طلبہ اور اساتذہ پکنک منانے واٹر پارک جا رہے تھے۔ ڈمپر ڈرائیور کے اوور ٹیک کرنے پر حادثہ ہوا۔ بچے اور ڈرائیور کوسٹر میں پھنس گئے۔ حادثے کے وقت طالبات بیہوش بھی ہوئیں۔ حادثے میں زخمی ہونے والوں کو فوری طور پر ہسپتال منتقل کیا گیا۔
تمام زخمیوں کی حالت خطرے سے باہر بتائی جاتی ہے۔ پولیس نے ڈمپر کے ڈرائیور کو حراست میں لے کر تفتیش کا آغاز کر دیا ہے۔