بادبان رپورٹ : یہ قابل رحم حالت میں جو شخص زمین پہ بیٹھا ہے اس کا نام اشفاق احمد ہے یہ گورنمنٹ پرائمری سکول احمد نگر ٹھوکر نیاز بیگ کاہیڈماسٹر ہے جبکہ کرسی پر فرعون بن کربیٹھاچوکی ٹھوکرنیازبیگ کاسب انسپکٹر یونس ہے آپ سوچ رہے ہوں گے کہ شاید اس ہیڈماسٹر نے کوئی دہشت گردی کی ہے تو آپ کی سوچ صحیح نہیں ہے بلکہ اس ہیڈماسٹرکاجرم یہ ہے کہ پولیس دیدہ دلیری سے اس کے گھر میں گھسی اس بنا پر کہ ان کہ خیال میں اس کے گھر کی چھت پر پتنگ اڑرہی تھی جس وقت پولیس اس کے گھرمیں داخل ہوئی تواس وقت گھر میں محلہ داراوردوست احباب موجود تھے کیونکہ ان کی والدہ کا انتقال ہوا تھالوگ افسوس کرنے آرہے تھے. پولیس کو اہل محلہ نے گواہی دی کہ یہ شریف آدمی ہے اورگھرمیں فوتگی ہوئی ہے لیکن پولیس نے کوئی پرواہ نہ کی بلکہ پولیس والوں نے گالیاں دینا شروع کردیں اور تین تھانوں کی پولیس بلائی لی اس کے گھر میں توڑ پھوڑ کی اس کی بچی کو زخمی کیا ان سب کو تھانے بند کردیا جس کی آج تک کوئی کاروائی نہیں ہوئی.