ضرب عضب کامیابی سے جاری،910دہشت گرد ہلاک

راولپنڈی : شمالی وزیرستان میں ملک دشمنوں کے خلاف جاری آپریشن ضرب عضب کی کارروائیاں کامیابی سے جاری ہیں، آپریشن کے دوران اب تک 910 سے زائد دہشت گردوں کو ان کے منطقی انجام تک پہنچا دیا گیا ہے۔پاک فوج کے شمالی وزیرستان ایجنسی میں جاری آپریشن ضرب عضب کے ڈھائی ماہ پورے ہونے پر بریفنگ دی گئی، آئی ایس پی آر کے اعلامیہ کے مطابق آپریشن ضرب عضب کے دوران اب تک 910 سے زائد دہشت گردوں کو ہلاک کیا جاچکا ہے۔آپریشن کامیابی سے جاری ہے، آپریشن شروع ہونے کے بعد ملک بھرمیں 82 جوان شہید ہوئے۔ آئی ایس پی آر کے مطابق اب تک میران شاہ، میر علی، دتہ خیل، بویا اور دیگان کے علاقے خالی کرائے جا چکے ہیں، جب کہ شمالی وزیرستان میں 88 کلومیٹر طویل سڑکیں مکمل کلیئر کرالی گئی ہیں۔ آئی ایس پی آر کا کہنا ہے کہ آئی ای ڈیز بنانے کی 27 جب کہ راکٹ بنانے اور اسلحہ سازی کی ایک، ایک فیکٹری تباہ کر دی گئی ہے۔ترجمان پاک فوج کے مطابق اب تک بارودی سرنگیں بنانے والی27 فیکٹریاں تباہ کر دی گئیں ہیں، جب کہ راکٹ اور گولا بارود کی ایک، ایک فیکٹری تباہ بھی کی گئیں، کارروائی کے دوران دہشت گردوں کے زیر استعمال اسلحہ اور دیگر سامان