نثار نے وزیر اعظم کی بات مان لی مگر اب پیپلز پارٹی پر حکومتی انحصار بڑھ گیا:شیخ رشید

اسلام آباد :پاکستان عوامی مسلم لیگ کے سربراہ شیخ رشید احمد نے کہا ہے کہ اعتزاز احسن کی جانب سے لگائے گئے الزامات کا جواب نہ دے کر وزیر اعظم نواز شریف کی بات مان لی ہے اور آصف زرداری کے ساتھ میاں صاحب کی دوستی بچا کران کی حکومت بھی بچا لی ہے مگر اس واقعے بعد آصف زرداری اور پیپلز پارٹی پر حکومت کا انحصار حد سے بڑھ گیا ہے، جو حکومت کے لئے خطرے کی بات ہے کیونکہ زرداری کبھی بھی دھوکہ دے سکتے ہیں۔ نجی نیوز چینل سے بات چیت کرتے ہوئے انہوں نے کہا کہ اسلام آباد میںمیں موجود دھرنوں کے بارے میں انہیں پورا یقین ہے کہ نواز شریف کے استعفے تک جاری رہیں گے کیونکہ ان کو عمران خان کی باتوں پر پورا یقین ہے، موجودہ حالات نے نواز شریف حکومت کی کمر توڑ دی ہے