کراچی:متحدہ قومی موومنٹ کے قائد الطاف حسین نے بارشوں اورسیلاب سے تباہی کے پیش نظر دھرنے ملتوی کرنے کی اپیل کی ہے۔ تفصیلات کے مطابق الطاف حسین کا کہنا تھا کہ آزاد کشمیر اور پنجاب بارشوں سے بڑے پیمانے پر تباہی کا شکار ہیں، دھرنے ملتوی کر کے سب کو مل کر متاثرین کی مدد کرنی چاہئے۔ ایم کیو ایم کے قائد الطاف حسین نے کہا کہ عوام کو حکومتی توجہ اور مدد کی ضرورت ہے، سیلاب سے تباہی کے پیش نظر دھرنے ملتوی کر دینے چاہئیں اور تمام معاملات ایک طرف رکھ کر متاثرین کی ہر ممکن مدد کرنی چاہئے۔ ان کا کہنا تھا کہ بارشوں، سیلاب سے متاثر عوام حکومت اور عوام کی مدد کے طالب ہیں، وقت کا تقاضہ ہے کہ قدرتی آفات کے پیش نظر احتجاج ملتوی کر دیئے جائیں۔