فائرنگ سے فوج کے صوبیدار میجر جاں بحق

پشاور:نامعلوم افراد کی فائرنگ سے پاک فوج کے ایک صوبیدار جاں بحق ہوگئے ہیں ۔تفصیلات کے مطابق پشاور کے علاقے اخندآباد کے علاقے میںپاک فوج کے صوبیدار میجر نیاز امین اپنے بیٹے کو سکول چھوڑ کر واپس گھر کی جانب جارہے تھے کہ ایک موٹر سائیکل پر سوار تین مسلح افراد نے ان پر فائرنگ کردی جس سے وہ موقع پر ہی جاں بحق ہوگئے۔مقامی پولیس ایس ایچ او کا کہنا تھا کہ واقعہ بظاہر دہشت گردی کا نتیجہ لگتا ہے تاہم پولیس اس واقعے کی تفتیش کررہی ہے۔آئی ایس پی آر کی جانب سے اس حوالے سے ابھی تک کوئی بیان جاری نہیں کیا ہے۔