اسلام آباد ہائیکورٹ نے دفعہ 144کے تحت قائم تمام مقدمات ختم کرنےکا حکم دےدیا

اسلام آباد ہائی کورٹ نے دفعہ ایک سو چوالیس کے تحت قائم تمام مقدمات ختم کرنے کا حکم دے دیا ہے ۔ تفصیلات کے مطابق پاکستان عوامی تحریک کی جانب سے دفعہ 144 کے تحت درج مقدمات کی سماعت اسلام آباد ہائی کورٹ میں ہوئی ۔سماعت کے دوران چیف جسٹس انور کاسی نے ریمارکس دیتے ہوئے کہا کہ ملک میں لاقانونیت نہیں چلنے دیں گے ، ایسا نہیں ہونے دیں گے کہ جس کو چاہا پکڑ کر بند کر دیا جائے ، ایسے معاملات کا لال مسجد کیس میں فیصلہ دے چکے ہیں ۔ سماعت کے بعد ہائی کورٹ نے پولیس کو پاکستان عوامی تحریک اور پا کستان تحریک انصاف کے گرفتار کیے گئے 650 کارکنان کے خلاف دفعہ 144 کے تحت قائم کیے گئے تمام مقدمات ختم کر نے کا حکم دے دیا ۔