چنیوٹ :لالیاں میں تین بچے سیلابی پانی میں ڈوب کر جاں بحق ہوگئے

شعیب ،علی حسن اور سرفراز سیلابی پانی میں نہانے گئے اور گہرے پانی میں ڈوب گئے ،لاشیں ورثا کے حوالے
چنیوٹ کے علاقے لالیاں میں تین کمسن بچے کھڑے سیلابی پانی میں ڈوب کر جاں بحق ہوگئے . لالیاں کے نواحی علاقے نویں والا کے رہائشی تین بچے شعیب ،علی حسن اور سرفراز عرف عاجو اپنے دیگر 2 دوستوں کے ہمراہ گاؤں کے باہر کھڑے سیلابی پانی میں نہانے کے لیے اچانک گہرے پانی میں چلے گئے ، اور ڈوب کر جاں بحق ہوگئے ۔ بچوں کی عمریں سات سے آٹھ سال بتائی گئی ہیں ۔ اطلاع پر ریسکیو 1122 کی ٹیم موقع پر پہنچ گئی ، اور تینوں بچوں کی لاشیں نکال لیں ۔ تحصیل ہیڈ کوارٹر میں ضروری کارروائی کے بعد لاشیں ورثاء کے حوالے کر دی گئیں ۔