خیبرپختونخواہ میں حکومت بنا سکتے تھے، رواداری کیساتھ تحریک انصاف کو موقع دیا:سعد رفیق

اسلام آباد :وفاقی وزیر ریلوے خواجہ سعد رفیق نے کہا ہے کہ خیبرپختونخواہ میں حکومت بنا سکتے تھے لیکن رواداری کے ساتھ تحریک انصاف کو حکومت بنانے کا موقع دیا گیا۔ پریس کانفرنس سے خطاب کرتے ہوئے سعد رفیق نے کہا کہ خیبرپختونخواہ میں مولانا فضل الرحمان کے ساتھ مل کر حکومت بنا سکتے تھے اور یہ ان کی خواہش بھی تھی لیکن رواداری کے تحت تحریک انصاف کو حکومت بنانے کا موقع دیا۔ اسی طرح بلوچستان میں مفاہمت کے تحت وزارت اعلیٰ نہیں لی۔ انہوں نے کہا کہ دھرنوں کی وجہ سے تمام محکموں کی کارکردگی پر اثر پڑا۔ انہوں نے کہا کہ نعروں یا باتوں سے بجلی پیدا نہیں ہوتی اس کیلئے کام کرنا پڑتا ہے۔ سعد رفیق نے مزید کہا کہ امن مذاکرات کے بعد آپریشن ضرب عضب کا فیصلہ کیا گیا۔