سنٹرل ماڈل سکول کی بیسمنٹ میں آتشزدگی ، الیکشن کمیشن آف پاکستان کا سامان جل گیا

لوئر مال کے علاقے میں واقع گورنمنٹ سنٹرل ماڈل سکول کے تہہ خانے میں آتشزدگی سے الیکشن کمیشن کا اہم ریکارڈ جل گیا جبکہ فائربریگیڈحکام کاکہناہے کہ آگ چاروں طرف سے لگی ہے ، امدادی کارروائیوں میں مشکلات کاسامناہے جبکہ سکول سے بچوں کو چھٹی دیدی گئی ہے ۔
ذرائع کے مطابق ریٹی گن روڈ پر واقع سکول کی بیسمنٹ میں الیکشن 2013ءکے ریکارڈ اور ووٹوں سمیت الیکشن کمیشن آف پاکستان کا سامان موجود تھاجہاں آگ بھڑک اُٹھی تاہم ابتدائی طورپر آتشزدگی کی وجوہات معلوم نہیں ہوسکیں ۔
عینی شاہدین کے مطابق ایک کنال رقبے پر آتشزدگی محیط ہے ، ریسکیوآپریشن کی نگرانی سکول پرنسپل لیاقت علی کھرل کررہے ہیں جبکہ سکول سے بچوں کو چھٹی دے کر گھر بھیج دیاگیاہے ۔
قائم مقام الیکشن کمشنر نے بتایاکہ سکول کی بیسمنٹ میں غیرانتخابی مواد موجود تھا، الیکشن کمیشن پنجاب کی ٹیم آتشزدگی کے مقام پر پہنچ گئی ۔