الیکشن کمیشن کی جائزہ رپورٹ پر تحریک انصاف نے ہائیکورٹ سے رجوع کرلیا

تحریک انصاف نے الیکشن کمیشن کی جائزہ رپورٹ 2013ءپر ہائیکورٹ میں درخواست دائر کردی ہے اور استدعا کی ہے کہ عدالت عالیہ منتخب اراکین اسمبلی کی دوبارہ سکرونٹی اور گوشواروں کی چھان بین کا حکم دے ۔
تحریک انصاف کے رہنماءجاوید بدر کی طرف سے لاہورہائیکورٹ میں دائر درخواست میں موقف اپنایاگیاکہ الیکشن کمیشن نے اپنی جائزہ رپورٹ میں تسلیم کیاکہ سکرونٹی کاعمل درست طریقے سے نہیں ہوا،سکرونٹی کا عمل درست نہ ہوتوانتخابات مشکوک ہوجاتے ہیں ،آرٹیکل 62,63کے لوازمات بھی پورے نہیں ہوسکے لہٰذافاضل عدالت قومی و صوبائی اسمبلیوں میں سکرونٹی کاعمل دوبارہ کیاجائے تاکہ ریکارڈ کی تصحیح ہوسکے ۔
درخواست گزارنے موقف اپنایاکہ الیکشن کمیشن نے یہ بھی تسلیم کیاہے کہ ایف بی آر، نادرا، نیب اور دیگر اداروں کی طرف سے مکمل تعاون نہیں کیا، ریکارڈ ملنے میں تاخیر ہوئی اور گوشواروں کے حوالے سے بھی موثر فیصلے نہیں ہوسکے لہٰذاعدالت حکم دے کہ گوشواروں کی دوبارہ چھان بین کی جائے ۔