دو تین دن میں فکری لہر کو طوفان میں تبدیل کر دیں گے: طاہر القادری

طاہرالقادری کا کہنا ہے کہ ملک میں فکری انقلاب کی لہر آ گئی۔ دو تین دن میں فکری لہر کو طوفان میں تبدیل کر دیں گے۔ اطلاع ہے کہ کل بہت بڑا کریک ڈاؤن ہونے والا ہے ۔ الیکشن کمیشن نے جائزہ رپورٹ میں تسلیم کر لیا کہ انتخابات میں بڑے پیمانے پر بے ضابطگیاں ہوئیں ۔دھرنے کے شرکاء سے خطاب کرتے ہوئے طاہرالقادری نے کہا کہ الیکشن کمیشن کی جائزہ رپورٹ میں لکھا گیا ہے کہ اداروں نے تعاون نہیں کیا ، عام انتخابات میں بڑے پیمانے پر بے ضابطگیاں ہوئیں ۔ الیکشن کمیشن نے جائزہ رپورٹ کو چھپائے رکھا اور اب رات کے اندھیرے میں ویب سائٹ پر ڈال دیا۔ طاہرالقادری نے کہا کہ اسلام آباد ہائیکورٹ نے 29 ستمبر تک دفعہ 144 معطل کر دی ہے ۔ راولپنڈی اسلام آباد کے کارکن جہاں چاہے آ جا سکتے ہیں ۔ طاہر القادری نے کہا کہ عوامی تحریک کا دھرنا ملک میں فکری انقلاب لے آیا ہے اس فکری لہر کو دو تین دن میں طوفان میں بدل دیں گے ۔ طاہر القادری نے کہا کہ اسمبلیوں کا کام عوام کو بنیادی حقوق دینا ہے چھیننا نہیں۔