ہنگو میں ایک پولیس اہلکار کنویں میں گرے شہری کو بچانے خود بھی اندر اترا لیکن کنویں میں بھری زہریلی گیس نے دونوں افراد کی جان لے لی۔تفصیلات کے مطابق ہنگو کے نواحی علاقے سپین خاوری میں گشت پر مامور پولیس پارٹی خاتون کی چیخ پکار سن کر اس کے گھر پہنچی تو معلوم ہوا کہ گھر کا ایک فرد کنویں میں گر گیا ہے۔اس شخص کو نکالنے کے لیے پولیس اہلکار نیاز محمد رسی کے ذریعے کنویں میں اترالیکن رسی ٹوٹ جانے سے وہ بھی اندر جاگرا، کنویں میں بھری زہریلی گیس سے نیاز محمد کی زندگی کی ڈور بھی ٹوٹ گئی،دو گھنٹوں کی کوششوں کے بعد دونوں افراد کو نکالا گیالیکن شہری کے ساتھ نیاز محمد بھی دم توڑ چکا تھا۔نیاز محمد کی دو سال قبل ہی شادی ہوئی تھی اور اس کے دو پھول سے بچے ہیں۔