اراکین اسمبلی کے اثاثوں کی تفصیلات ویب سائٹ پرجاری کرنیکا فیصلہ

الیکشن کمیشن نے پچھلے سال کی طرح اس سال بھی اراکین اسمبلی کے اثاثوں کی تفصیلات ویب سائٹ پرجاری کرنے کا فیصلہ کیا ہے۔ الیکشن کمیشن میں اثاثوں کی تفصیلات جمع کرانے کا آج (منگل)آخری دن ہے اور قومی اور صوبائی اسمبلیوں کے 1174 میں سے اب تک 414 اراکین نے اثاثوں کی تفصیلات جمع کرا ئی ہیں۔ الیکشن کمیشن کے مطابق قومی اسمبلی کے 170 اور سینیٹ کے56 اراکین نے اب تک اثاثوں کی تفصیلات جمع کرا ئی ہیں۔ پنجاب اسمبلی کے 75 ، سندھ اسمبلی کے 59 ، خیبر پختونخوا کے 36 جبکہ بلوچستان اسمبلی کے 18 اراکین نے اب تک اثاثوں کی تفصیلات جمع کرا ئی ہیں۔ الیکشن کمیشن نے پچھلے سال کی طرح اس سال بھی اراکین اسمبلی کے اثاثوں کی تفصیلات اپنی ویب سائٹ پرجاری کرنے کا فیصلہ کیا ہے اور 15اکتوبر کو منتخب نمائندوں کے گوشواروں کی تفصیلات ویب سائٹ پر ڈال دی جائیں گی ۔