اسپیکر خیبر پختونخواہ اسمبلی اسد قیصر اور وزیر اعلی پرویز خٹک کی اسلام آباد میں جاری دھرنوں میں شرکت پر ان کو کام کرنے سے روکنے سے متعلق دائر آئینی پٹیشن کی دوسری سماعت پر بھی اسپیکر اور وزیر اعلی پشاور ہائیکورٹ میں پیش نہیںہو ئے ہیں جس پر عدالت نے چیف سیکریٹری اور سیکریٹری قانون سے وضاحت طلب کرتے ہوئے استفسار کیا ہے کہ کیوں نہ وزیر اعلی اور اسپیکر کو کام کرنے سے روکا جائے؟تفصیلات کے مطابق اس کیس میں درخواست گزار کی جانب سے استدعا کی گئی ہے کہ دونوں عہدیداران نے دھرنوں میں شرکت کر کے آئین کی خلاف ورزی کی ہے لہذاٰ ان کو کام کرنے سے روکا جائے۔ درخواست کی سماعت جسٹس مظہر عالم اور جسٹس منظورنے کی ۔