Breaking News

اسلام آباد ہائی کورٹ نے پولیس حکام کےخلاف پر دھرنے کے شرکا پر تشدد کی ایف آئی آر معطل کردی

 

اسلام آباد: ہائیکورٹ نے 30 اگست کی رات پارلیمنٹ ہاؤس کے باہر تحریک انصاف اور پاکستان عوامی تحریک کے کارکنوں پر تشدد سے متعلق پولیس حکام کے خلاف ایف آئی آر پر عمل درآمد روکنے کا حکم دے دیا۔اسلام آباد ہائی کورٹ کے جج جسٹس شوکت عزیز صدیقی نے 30 اگست کو پارلیمنٹ ہاؤس کے باہر کارکنوں پر تشدد کے خلاف تحریک انصاف اور پاکستان عوامی تحریک کی جانب سے دائر ایف آئی آر میں پولیس حکام اور اہلکاروں کے نام خارج کرنے کی درخواست کی سماعت کی، سماعت کے دوران پولیس حکام کے نام ایف آئی آر سے خارج کرنے سے متعلق دلائل دیئے گئے جنہیں سننے کے بعد عدالت عالیہ دونوں جماعتوں کی جانب سے درج کرائی گئیں ایف آئی آر پر پولیس افسران اور اہلکاروں کے خلاف عمل درآمد معطل کرنے کا حکم دیتے ہوئے سماعت اگلی تاریخ تک ملتوی کردی۔واضح رہے کہ 30 اگست کی رات ڈاکٹر طاہر القادری اور عمران خان نے کارکنوں کو وزیراعظم ہاؤس کی جانب مارچ کی ہدایت کی تھی جس کے بعد پولیس اور مظاہرین میں جھڑپوں میں 3 افراد جاں بحق جبکہ 200 سے زائد زخمی ہوگئے تھے۔ وفاقی دارالحکومت کی پولیس نے ماتحت عدالتوں کے حکم پر وزیراعظم، وفاقی وزرا اور پولیس حکام سمیت دیگر کے خلاف ایف آئی آر درج کی تھی۔

سب سے زیادہ پڑھی جانے والی مقبول خبریں


دلچسپ و عجیب
No News Found.

سائنس اور ٹیکنالو
No News Found.

اسپیشل فیچرز
No News Found.

تمام اشاعت کے جملہ حقوق بحق ادارہ محفوظ ہیں۔
Copyright © 2024 Baadban Tv. All Rights Reserved