قومی ایکشن پلان کمیٹی آج پھر سر جوڑ کر بیٹھے گی

اسلام آباد: وزیرداخلہ چوہدری نثار نے انسداد دہشت گردی قومی ایکشن پلان کمیٹی کا اجلاس آج طلب کیا ہے۔ اجلاس میں ورکنگ گروپ کی سفارشات پیش کی جائیں گی۔

دہشت گردی پر کاری وار کرنے کے لیئے قومی ایکشن پلان کمیٹی کا اجلاس آج منگل کو طلب کیا گیا ہے۔ میٹنگ میں ورکنگ گروپ کی سفارشات فائنل ہونگی ۔

وزیرداخلہ چوہدری نثار علی کی زیرصدارت اجلاس میں ورکنگ گروپ کی تیار کردہ سفارشات پیش کی جائیں گی اور ان پر پارلیمانی رہنماؤں کو اعتماد میں لیا جائے گا۔

ذرائع کے مطابق، ورکنگ گروپ نے نیکٹا کو مزید مضبوط کرنے اور انٹیلی جنس نظام کو فعال بنانے کی سفارش کی ہے۔ دہشت گردی میں ملوث مدارس کو وفاق المدارس انتظامیہ کے ساتھ مل کر تنہا کرنے کی تجویز بھی شامل ہے۔