اٹک میں کئی برس سے مقیم نیٹو فورسز کے ساتھ بطور مترجم کام کرنیوالا افغان شہری گرفتار

اسلام آباد: نیٹو فورسز کے ساتھ بطورمترجم کام کرنے والے افغان شہری کو کینٹ کے حساس علاقے میں سرچ آپریشن کے دوران حراست میں لے لیا گیا۔یہ آپریشن غیرقانونی طور پرمقیم غیرملکیوں اوردہشتگردوں کیخلاف کیاگیاہے۔ ذمہ دارپولیس ذرائع نے بتایا کہ قانون نافذ کرنے والے اداروں نے افغان شہری محمد ظاہر کے علاوہ اٹک کینٹ کے مختلف علاقوں سے کچھ مشتبہ افراد کو پکڑا ہے۔ محمد ظاہر نے پولیس کوابتدائی تفتیش کے دوران بتایا کہ وہ کابل کا رہائشی ہے اور نیٹو فورسز کے ساتھ بطور مترجم منسلک رہا ہے۔