لاہور: (دنیا نیوز) جمائما گولڈ سمتھ نے کرکٹ کی دنیا کے چمکتے ستارے کو اپنے سر کا تاج بنایا تو اپنے نام کے ساتھ بھی عمران خان کی مناسبت سے خان لکھنا شروع کر دیا۔ دونوں کی شادی بڑی دھوم دھام سے ہوئی۔ ان کی جوڑی بھی بڑی مثالی تھی۔ جمائما نے خان صاحب کے ساتھ راہیں الگ کر لیں مگر دونوں کے درمیان برسوں سے رابطے رہے۔ ایک اچھی دوستی ختم نہ ہوئی۔ یہاں تک کہ دوسری شادی کی خبر کو بھی جمائما نے خوش دلی سے لیا۔ اپنے ٹویٹ پیغام میں بھی شادی کی مبارکباد دی۔ لیکن یہ بھی فطری بات ہے کہ سابق جیون ساتھی کی زندگی میں کوئی اور عورت آئے تو اس بات کو قبول کرنا مشکل ہے۔ کپتان کے نکاح کی اطلاع ملتے ہی جمائما نے اپنے نام کے ساتھ لگے خان کو ہٹانے کا اعلان کر دیا۔ –